Resendita:Ekologio

ENa | 30/01/2012

Ekzistas multe da terminoj por la vorto "ekologio". Etimologie la vorto ekologio devenas de la greka vorto "oikos", kiu signifas hejmo, mastrumo, medio kaj "logos" – scienco, aŭ pli komplete, scienco kunligita kun la loĝebla medio de la vivorganismoj. Do la ekologio esploras la medion en kiu loĝas la vivorganismoj. Ĝi ankaŭ signifas analizon de la rilatoj inter la organismoj kaj la naturmedio. Nun la nocio evoluas, sanĝiĝas kaj signifas ne nur la rilaton inter la vivo kaj la natura medio, sed ankaŭ la homa agado, do ĝi prezentas la rilaton de la homo al la naturo kaj ĉirkaŭa medio. En la ĉiutaga vivo kaj inter homoj ĉiam kiam oni parolas pri ekologio oni komprenas la vastan nocion de la termino "ekologio" : scienco kunligita nur kun la rilatoj al la malpurigado de la naturo. Tamen ekzistas diversaj branĉoj de la ekologia scienco.

Apliki ekologian vivstilon en la praktiko povas dependi de lokaj kaj landaj cirkonstancoj. Ĝenerale temas ĉiam pri stimulado de novaj pensmanieroj kaj valoroj kiel promocii solidarajn kaj daŭrigeblajn praktikojn kiaj ne malŝpari energion, akvon, laŭspecigi rubaĵojn, reuzi aŭ recikli ilin, pli bicikli kaj promeni anstataŭ veturi aŭte kaj flugi. Industriigitaj landoj havas pli grandan respondecon, ĉar ili plej konsumas resurcojn kaj poluadas la vivmedion surtere. Pli da informoj sub la rubriko ARTIKOLOJ (akvo, arbaro, klimato).

Aligu novan komenton